No0oNa
Posts : 19
Join date : 2008-08-05
Age : 33
Location : canada & egypt /el ma3ade
 |  Subject: asrar 3an el shabab .,. hedya mene le kol el banat  Thu Aug 07, 2008 5:11 am | |
| سر عن الشباب هديه منى ليكم ( للبنات خصوصا )
جربوها كده وادعولى
1- الشاب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو روحها حلوة و جذابة .
2- ممكن الشاب يعجب بيكي للحظة و ينساكي بعديها ولا كأنه شافك قبل كده .
3- لما الشاب يقولك انا مش قادر افهمك هوا يقصد ببساطة ان أنتي مبتفكريش بطريقته .
4- "بتعملي إيه ؟" أو "كلتي ولا لسه ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .
5- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .
6- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله) .
7- ابتسامة فرح جميلة منك بالدنيا واللي فيها عند الشاب .
8- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .
9- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .
10- لما الشاب يقولك انه عايز يقابل اهلك اوعي ترفضي بل بالعكس شجعيه و اقفي جمبه في المعركة عشان تحسي بحلاوة النصر .
11- الشاب بيبقى نفسه يقول ويقول عن نفسه ...... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن
12- على فكرة الشاب بيعيط (مهما بان جامد و قوي مهو بني آدم برده) .
13- لما تبقي في بداية علاقة متستعجليش على انك تضايقي الشاب عشان تتخانقوا .....صدقيني هتتخانقوا هتتخانقوا .
14- الشاب ميعرفش يحلم و يتأمل كتيير زيك و معدوش صبر عايز كل اللي يتمناه يتحقق في ثانية .
15- لما توصلي لقلب شاب أنتي كده دخلتي سكة مفيهاش رجعة (دخول الحمام مش زي خروجه) .
16- الشاب لما يكون بيتسلى بواحده لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه .
17- لما الشب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد حتى يدفع فيكي قرش واحد .
18-لما تقولى لشاب " لأه "هو بيسمعها حاول تانى كره(معلش أطرش هههههههه) .
19-الشاب بيموت في أمه (يعني كلوا الا هيا) .
20- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .
21-متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .
22- مستحيل تفهمي الشاب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .
23- الشاب لو قالك بحبك مرة واجدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .
Last edited by No0oNa on Mon Sep 08, 2008 11:04 pm; edited 1 time in total | |
|
hoka
Posts : 33
Join date : 2008-08-03
| | Subject: Re: asrar 3an el shabab .,. hedya mene le kol el banat Thu Aug 07, 2008 5:34 am | |
| klam gamed gdn tslm eadk  | |
|
